MicroBios

MicroBios é un espazo de intervención artística e expositiva portátil e a escala destinado a difundir o traballo artístico das socias, colaboradoras e amigas de 7H desde a promoción dun contexto de creación de calidade e un uso múltiple e libre do espazo. A partir da transformación dunha antiga casa de bonecas nunha galería de arte contemporánea, o proxecto procura devolver o valor artístico ao contido, apostando por un formato expositivo no que o continente e os personalismos se reducen deliberadamente á mínima expresión, así como achegar á arte contemporánea e o coleccionismo á sociedade desde unha perspectiva atractiva, lúdica e pouco convencional.