Mutacións Urbanas

Mutacións Urbanas é un laboratorio de creación para a inclusión activa de colectivos invisibilizados e en situación de vulnerabilidade — como menores trans*, familias migrantes, persoas con capacidades diferentes ou en risco de exclusión social —, a través de ferramentas de expresión artística. Organizado en obradoiros baseados en disciplinas como a fotografía, a arte de acción, a pintura, a reciclaxe ou a escultura, o proxecto aposta por transformar intervencións artísticas colectivas nun medio para xerar cambios positivos nos contextos que habitamos, visibilizar a riqueza da diversidade e achegar recursos creativos que permitan participar da arte e da creación no espazo público a todas as persoas.