Delas Fest 2019

Perdoa, aínda me estou a (de)construír.

Estamos a escoller as palabras máis xeitosas para o seu perfil. Agardamos non tardar en atopalas.

Entre o 9 e o 15 de decembro de 2019, a comarca de Santiago converteuse no epicentro do primeiro festival feminista de
arte urbana e contextual de Europa. Delas Fest, organizado por 7H Cooperativa Cultural, desenvolveuse en distintos
espazos da bisbarra coa participación de oito creadoras feministas que, desde diferentes disciplinas, sensibilidades e enfoques traballan desde unha concepción do espazo público como plataforma de expresión artística e intervención política.
Grazas á colaboración da Deputación da Coruña; a concellería de Igualdade do Concello de Ames; as concellerías de Igualdade e Benestar do Concello de Teo; a concellería de Cultura do concello de Santiago; e ao patrocinio de distintas empresas e entidades (Cuarto Pexigo;
Pinturas PROA; Gadis; Fogar Natural; Infinita Viajes y Eventos, e Dinamo Mensaxería e Publicidade en Bicicleta),
esta pioneira iniciativa celebrou a súa primeira edición coa aspiración de converterse nun referente internacional que sitúe a Galiza na vangarda da arte urbana diversa e con perspectiva de xénero.